Квез чидани?

Цацарин кIватIар алай, къати рангарин цIарнах-къабачи акуртIа, инсан адавай яргъаз хьана кIанда — адан гъвечIи цацара зегьер ава. Гьелбетда, чун патал­ къурху акатдай кар авач — и гьашарат Бразилияда, Уругвайда, Аргентинада, Парагвайда ва масанра гьалтзава. Чи ерийра цIарнахар-къабачияр гьалтзавай чкаяр пешекарри тестикьарнавач.

И гьашаратдихъ хатадай галукьайтIа, инсанди а чкадин хам акъугъай гьалдиз атайди гьиссда. ЦIарнах-къабачи секин гьалда авайла, адан «цацарин кIунчIар» шир ядай гъвечIи щеткадиз ухшар жеда. Амма хаталувал авай дуьшуьшра ада цацар ахъайзава, абур гъвечIи кактусриз элкъвезва.

ЦIарнах-къабачи «слизневидки» килфетдик акатзава. Адет яз, абурун беден туракь, хъипи, къацу ва лацу рангарикай ибарат жеда.

«ЛГ»