«Госкъуллугъар» ва «Госкъуллугъар Авто» приложенийра машинрин иесияр патал цIийивал кардик акатнава — «Улакьдин иесидиз гьялна кIанзавай месэлади­кай хабар гун» («Сообщение о проб­ле­ме владельцу транспортного средст­ва»)­. Машиндихъ са вуч ятIани хьанваз хьайитIа, и цIийивили иесидиз адакай «Госкъуллугъар» приложение ишлемишзавай маса ксарилай агакьдай малуматдин куьмекдалди чирдай мумкинвал гузва. ИкI, улакьдин иесидиз квевай хабар гуз жеда:

 акъвазарнавай машиндихъ галукьарун хьайитIа;

 автомобиль талукь чкадал дуьздаказ акъвазар тавунваз хьайитIа;

 яргъалди фараяр куз ва я сигнализацияди ван ийиз хьайитIа.

Сада масадав хабарар агакьарунин саягъ чинебанди ва хатасузди я. Приложенидин куьмекдалди малумат агакьарзавай касдиз машиндин иесидикай ва вичикайни машиндин иесидиз хсуси са малуматни чир жедач.

«Лезги газет»