Мусурманрин пак Къурбанд суварин вилик машгьур ватанэгьли Сулейман Керимова Меккеда садакьаяр пайна.
20-августдиз карчи, сенатор Сулейман Керимован патай садакьа зияратчийриз Меккеда тешкилнавай. «Сулейман Керимован садакьа» кхьенвай чlехи фурадай вири зияратчийриз хъвадай ва недай затlар гузвай.
Къейд ийин, Сулейман Керимова мергьяматлувилин крар мукьвал-мукьвал кьилиз акъудзава. Кьилди къачуртlа, ада вичин такьатрихъ гьар йисуз инсанар гьаждал ракъурзава.
Рикlел хкин, пуд-кьуд югъ идалай вилик ам вичин гъвечlи ватан тир Каракуьре хуьруьзни хъфенай. Докъузпарадин бязи хуьрерин хизанриз ада недай суьрсетар, каракуьревийриз лагьайтlа, гьар хизандиз 30 агъзур манат пул садакьа гана. Къуй адан берекатар мадни артух хьурай!
«Лезги газет»
