Алкьвадар СтIал Сулейманан райондин мулкара Чирагъ вацIун чапла къерехда экIя хьанва.

Делилри къалурзавайвал, Алкьвадрин хуьре ХIХ асирдин эхиррилай инихъ агьалийрин кьадар хейлин артух хьанва. 1895-йисуз и хуьре 368 агьали яшамиш жезвай, 1926-йисуз — 324, 1939-йисуз — 270, 1970-йисуз — 569, 1989-йисуз — 546, 2002-йисуз — 971, 2010-йисуз — 970.

Хуьр арадал атай тайин вахт малум туш. 1839-йисуз Абдуллагь эфендиди и хуьре эцигай медреса 1965-йисуз адан хва, Дагъустанда тIвар-ван авай маарифчи Алкьвадар Гьасан эфендиди светский мектебдиз элкъуьрна.

Хуьруьн килигуниз лайихлу чкайрик Алкьвадар Гьасанан музей акатзава. Алкьвадривай 500 метрдин кьибле патахъ, Чирагъ вацIун эрчIи къерехда, куьгьне Алкьвадар хуьр ава. Ана Алкьвадар Гьасан эфенди ва адан уьмуьрдин юлдаш кучукнава.

Мурад Мегьамедкеримован

«СтIал Сулейманан район: ­тарихдин гелерай» ктабдай.