2024-йисан «Самур» журналдин 6-нумра кIелдайбурув агакьнава. Ам Дагъустандин халкьдин писатель Абдуселим­ Исмаилован «РикI кудай кас хьайила…» макъаладилай баш­ламиш жезва. Вичин веревирдера писателди, рикI кудай кас хьайила, крар виликди фидайди, мурадар кьилиз акъатдайди уьмуьрдай къачунвай мисалралди субутзава.

ХХ асирдин Гомер­­ СтIал Сулейманан йисан­ сергьятра аваз жур­налда Да­гъус­тандин­ халкьдин шаирдин­ 155 йисан юбилейдиз­ талукь эсерар­ гун давамарна­. Нумра­да С. Сулейма­наз лезги­ ша­ир­ри (А. Ис­­маи­лов, П. Фа­тул­лаева, М. Ба­ба­ха­нов, А. Къардаш­, Ш. Ша­­­ба­тов­, Ф. На­гъи­­­ев, Н. Ших­на­би­ев­, А. Камилов­, И. Яралиев­, А. Мир­за­­бегов­, З. Къафланов, М. Иб­ра­гьимов­, М. Муталибова­, М. Салманов,­ Гь. Иб­рагьимова­, С. Шагьпазов­, В. Бат­манов, Ш. Шагь­балаев, С. Агь­­мед­па­ша­ева, Л. Сталь­­ская, А. Ашу­ра­гъаев) бахш­на­вай шиирар, Эффен­ди Капиеван «Шаир» ктабдай кьилер ава.

«Гьикаят» разделда, 95 йис тамам хьунихъ  галаз алакъалу яз, чи машгьур прозаик Межид Гьажиев рикIел хканва ва адан «Ирид къаш» повестдай чIукар ганва.

«Шиират» разделдай Мукаил Агьмедован, Тамила Хуршидовадин, Нисрет Исмаилован цIийи шиирар кIелиз жеда.

«Стха халкьарин шаирар» руб­рикадик кваз яхулрин шаир Мирза Давудован эсерар чапнава.

Нумрада сатирадин, юмордин эсерризни чка ганва.

Абад Азадов