14-январдиз Махачкъалада, Урус театр­дин залда, хашпара диндал амалзавайбурун сувариз (Рождество Христово) талукьарнавай мярекат кьиле фена. Ана РД-дин Гьукуматдин Председатель Абдул­муслим Абдулмуслимовани иштиракна.

Республикадин премьер-министрди Да­гъустандин Кьил Сергей Меликован Тебрикдин чар кIелна ва Махачкъаладин епархиядиз, хашпарайриз сувар мубаракна.

А.Абдулмуслимова гьакIни къейд авурвал, Дагъустандин жемиятдин арада садвал­ хьунин, тарихдин ивирар хуьнин, жегьилриз ватанпересвилин тербия гунин кардик Махачкъаладин епархияди ва кьилди Архиепископ Варлаама кьетIен пай кутазва.

Мярекатдин сергьятра аваз, гьакIни РД-дин Муфтиятдин, Дагъустанда авай чувудрин диндин тешкилатдин векилар рахана, аялрин яратмишунрин международный конкурсдин гъалибчийрив ва са жерге журналистрив шабагьар вахкана.

Гегьеншдиз РД-дин Гьукуматдин сайтдай кIелиз ­жеда.

Чи  мухбир