И йикъара чи маш­гьур спортсмен Рамазан Ферзали­­ев ва адан тренер Олхазур Минтуллаев Ахцегь район­дин кьил Абдул-Ке­рим Палчаеван тек­лифдалди Ахцегьиз мугьман хьана. Идакай­ чаз рай­­администрация­дин пресс-къул­лугъ­ди хабар га­на. Ха­савюрт­да, стхаяр тир Ирбайхановрин тIвару­нихъ галай спорт­школада, вичин устадвал хкажзавай чи ватан­эгьлидин ери-бине Ахцегь рай­ондин КIурукIнар хуьряй я (и хуьр 1952-йисуз Хасавюрт райондин Бамматюртдиз куьчарнай).

Шад гьалара гуьруьшдал  А.-К. Палчаева машгьур спортсмендин ва адан тренердин тIварарихъ чими келимаяр лагьана. Абуруз пулдин ва Палчаеврин хизандин патай къиметлу пишкешар гана. Райондин регьберди Р. Ферзалиеваз къазанмишнавай агалкьунар тебрик авунихъ галаз сад хьиз, адахъ спортдин мадни зурба кукIушар муьтIуьгъардай къуватар хьун алхишна.

Рагнеда Рамалданова