20-ноябрдиз Махачкъалада, республикадин финансрин колледжда, Дагъустандин халкьдин шаир СтIал Сулейманан 155 йис тамам хьуниз талукьарнавай мярекат кьиле фена.
Шадвилин межлис тешкилнавай зал сиве-сивди муаллимривни студентрив ацIанвай. Инаг СтIал Сулейманан уьмуьрдин ва яратмишунрин рекьиз талукьарнавай шикилралди безетмишнавай.
Мярекат кьиле тухузвай А. Мегьамедовади ва С. Арсланбегова «XX асирдин Гомеран» четин уьмуьрдикай, дерин мана авай эсеррикай итижлу суьгьбетар авуна.
Гуьгъуьнлай колледжда кIелзавай студентри шаирдин шиирар кIелна, кьуьлер авуна, «Шиирар кхьинин къайдайрикай рахунар» сегьне къалурна.
Мярекатдал колледждин муаллим Фазилат Абдурагьимовади хайи чIалал тамамарай мани ва лезги чIалан тарсар гузвай муаллим Мариян Бугаевади кIелай шиир межлисдин иштиракчийри хушдиз кьабулна.
Мариян Бугаева
