26-ноябрдиз Махачкъалада Дагъустандин дишегьлийрин Союзди Дидейрин йикъаз талукьарнавай шадвилин мярекат кьиле тухвана. Аниз республикадин вири шегьеррай ва районрай дидейриз теклифнавай. Абурун арада СВО-да игитвилелди женг чIугвазвай рухвайрин дидеярни авай. Гьа гьисабдай яз — Мегьарамдхуьруьн райондайни.
Райондин дишегьлийрин советдин председатель Тагуя Тагьировади лагьайвал, мярекатда Билбилхуьрелай тир, вичин пуд хва дяведин махсус серенжемда авай Исмегуьл Сарухановади, Тагьирхуьрелай тир Зулейха Атасиевади ва Самурдилай тир Наиля Исаевади, Азадогълидай тир Тамара Агьмедхановади (абурун рухваяр СВО-да игитвилелди телеф хьана) иштиракна.
Дидейрив «Ватан хуьзвайдан дидедиз баркалла» медалар ва рикIел аламукьдай савкьатар вахкана.
РД-дин Гьукуматдин Председателдин заместитель Абдурагьман Магьмудова, РД-дин милли сиясатдин ва динрин крарин рекьяй министр Энрик Муслимова, Дагъустандин дишегьлийрин союздин председатель Интизар Мамутаевади республикадин дишегьлийриз Дидейрин югъ тебрикна.
«Лезги газет»
