Кабо-Вердедикай делилар
. Кабо-Верде РагъакIидай патан Африкада, Атлантический океандин архипелагда, авай уьлкве я. Меркез — Прая.
. Кабо-Вердедин умуми майдан 4033 квадратный километрдикай ибарат я. Ана саки 600 агъзур агьали яшамиш жезва.
. 1495-йисуз Португалияди и островар чпин колонияр яз малумарна.
. И уьлкведихъ кьилдинвал анжах 1975-йисуз хьана. Са шумуд йисуз чкадин сиясатчийри и уьлкве Гвинея-Бисаудихъ галаз сад авунин фикирар малумариз хьана. Амма Гвинея-Бисауда аскеррин иштираквал аваз еке дегишвилер кьиле фейидалай кьулухъ уьлквейрин арада авай алакъаяр къизгъин хьана.
. Кабо-Верде 18 островдал экIя хьанва, абурукай виридалайни чIехиди Сантьягу я. Адан майдан 991 квадратный километрдикай ибарат я. Уьлкведин чIехи пай агьалияр и островда яшамиш жезва, меркезни ина ава. Чкадин чIалай таржума авурла, меркездин тIварцIихъ «къерех, кьер» лагьай мана жезва.
. Кабо-Вердедин кьураматдикай 16 процент уьмуьр кьиле тухуз тежедай мулкар я.
. Набататрин алемдилай тафаватлу яз, гьайванрин алем Кабо-Вердеда девлетлу я.
. И уьлкведихъ 1 агъзур кьван аскердикай ибарат армия ава.
. ГьакIни пайгарвилик квачир экономикадиз мукьвал-мукьвал жезвай къати гарари еке зиянар гузва.
. Кабо-Вердеда гьатта важиблубур тир медицинадин, образованидин хилера ишлемишдай такьатарни кьит я. И уьлкведай тир, дуьньяда машгьур манидар Сезария Эвороди образованидин къурулушдин са пай са шумуд йисуз вичин къаюмвилик кутуна. Манидар сегьнедал гьамиша кIвачин къапар алачиз экъечIдай: идалди ада Кабо-Вердедин агьалийрихъ гьатта лап чарасуз затIарни маса къачудай мумкинвал авачирдакай хабар гузвай.
«ЛГ»
