27-ноябрдиз Дербент шегьерда, Лезги театрдин дараматда, йикъан сятдин 2-даз международный дережада аваз «Дербентдин Исламдин тарихдинни медениятдин ирс: чирун, хуьн ва машгьур авун» лишандик кваз илимдин конференция кьиле фида. Мярекат РД-дин милли сиясатдин ва динрин крарин рекьяй министерстводи, Алкьвадар Гьасанан тIварцIихъ галай центради, РД-дин Муфтиятди, ФЛНКА-ди Дербентдин администрациядин куьмекдалди тешкилзава.
Конференцияда Саудиядин Аравиядай тир алимри, Россиядин илимрин академиядин, РАН-дин Дагъустанда авай илимдин центрадин векилри, тарихчийри, филологри, студентри ва масабуру иштиракда.
29-ноябрдиз Кьасумхуьрел машгьур алим ва шаир Алкьвадар Гьасан эфендидин 190 йисан юбилейдиз талукьарнавай международный дережадин чIехи мярекат кьиле фида. Дербентда тешкилзавай конференциядиз къвезвай мугьманри СтIал Сулейманан районда кьиле фидай мярекатдани иштиракда.
Ашкъи авай гьар садавай и мярекатра иштиракиз жеда.
«Лезги газет»
