12-ноябрдиз нисинин сятдин 3-даз Махачкъалада, тарихдин «Россия — зи тарих» паркуна, Россиядин журналистрин Союздин Дагъустандин отделенидин 65 йис тамам хьуниз талукьарнавай мярекат кьиле фида.
Ана РД-дин Кьилин ва Гьукуматдин Администрациядин, жуьреба-жуьре министерствойринни ведомствойрин, жемиятдин тешкилатрин векилри, алимри, журналистри иштиракда.
Мярекатдин сергьятра аваз республикадин са жерге СМИ-рин къуллугъчийрив Дагъустандин Гьукуматдин ва РФ-дин журналистрин Союздин шабагьар вахкуда. Идалай гъейри, мярекатдал цIи, СтIал Сулейманан 155 йисан юбилейдиз талукьарна, Дагъустандин отделениди кьиле тухвай фильмайрин конкурсдин гъалибчиярни тебрикда.
Ашкъи авай гьар са касдихъ юбилейдин межлисда иштиракдай мумкинвал ава. Мугьманривай Дагъустандин СМИ-рин выставкайриз килигиз, республикадин госфилармониядин артистрин манийрихъ яб акализ ва чай, кофе хъваз жеда.
«Лезги газет»
