Виридаз малум тирвал, «Лезги газет» почтадин алакъадин отделенийрай кхьидалди, «Дагпечатдин» киоскрай кхьин ужуз акъваззава. Къиметар винидихъ къалурнава. Амма са кар ава: почтадин алакъадин отделенидай кхьей чIавуз газет почтальонри кIвалерив агакьарзава, «Дагпечатдай» кхьейла, газет киоскрай вахчуна кIанзава.
Алай вахтунда «Дагпечатдин» киоскар Кьиблепатан Дагъустанда Ахцегь, Мегьарамдхуьруьн, СтIал Сулейманан районра ва Дербент райондин Белиж поселокда ава.
Докъузпара ва Кьурагь районра киоскар авачтIани, «Дагпечатдин» кьилевайбуру, и районрин администрацийрихъ галаз икьрар хьана, газетар гьар гьафтеда районрин центрайра авай са идарадиз агакьарда. Гьа икI, и кьве райондин агьалийризни «Лезги газет» «Дагпечатдин» къиметрай кхьидай мумкинвал ава. И кар патал телефондин 8-928-298-00-50 нумрадиз зенг ийиз жеда.
«Лезги газет»
