Украинадин миллетбазрикай Донбассдин хуьрер, шегьерар азад авунин махсус серенжем эхирдиз къвезвай хьтинди я. ЦIийи фашистри мягькем къеледиз элкъуьрна лугьузвай Угледарни и йикъара Россиядин Яракьлу Къуватри къачуна ва ана амай вишелай виниз инсанарни азадна. Дяведин женгер кьиле физвай вири терефра Россиядин аскерри гъалибвилер къазанмишзава ва миллетбазар катдай, чеб есирда вугудай чкадал гъизва.
Разивалдай, дамахдай кар ам я хьи, махсус серенжемда иштиракзавай дагъустанвийри дирибашвал, уьтквемвал, къастунал ва руьгьдин жигьетдай кIевивал къалурзава. Ахьтинбурукай сад Мегьарамдхуьряй тир Маидов Акиф я. Ада азадвилин женгерив эгечIай гьа сифте йикъарилай Ватандин вилик вичин буржи игитвилелди тамамарзава. Къизгъин женгер кьиле физвай чкайра виликдайни вичин гьунар къалурай аскер гилани галай юлдашриз чешне я. Душмандиз рикIелай тефидай ягъунар кьазвай Акиф гьар са женгинай гъалибчи яз экъечIзава.
Дяведин махсус серенжемда къалурай жуьрэтлувиляй, игитвиляй А. Маидоваз «Жуьрэтлувиляй», Пак Георгиян орденар Георгиян 4 дережадин хаш ганва.
Мукьвара ам хизандин патав отпускдиз хтанвай. Райондин кьил Фарид Агьмедова викIегь аскер кьабулна, адаз шабагьар тебрикна ва хизандин яшайишдин гьалдикай хабар кьуна.
Чи мухбир
