«Лезги газетдин» редакцияда лезги чIал чирдай курсар ахъайзава. Курсарин тешкилатчияр «Лезги газетдин» редакция, ФЛНКА ва «ЛЕКИ» фонд я. Тарсар газетдин кьилин редактор Мегьамед Ибрагьимовани адан заместитель Куругъли Ферзалиева тухуда.
Курсара хайи чIал гьам гъвечIибурувай, гьамни чIехибурувай (пулсуз) чириз жеда. Тарсар гьар гьафтеда саласа, хемис ва киш йикъара нянин сятдин 5-дан зураз гатIунда.
Курсарикай гзафбуру менфят къачун патал тарсар онлайн-къайдадани тешкилда. Курсарик экечIун патал телефондин и нумрадиз зенг ийиз ва я ватцапдиз кхьиз жеда: 8905 137 74 52.
Къейд ийин хьи, лезги чIал чирдай курсар Дербент, Саратов, Москва шегьеррани кардик акатнава. Виринра акьалтзавай несилриз ва хайи чIал чириз кIанзавай гьар са касдиз пешекар муаллимри тарсар гузва. Винидихъ тIвар кьунвай шегьерра кардик кутунвай курсарикай гегьенш малуматар «Лезги газетдин» телеграм-каналдай кIелиз жеда.
Ша чна вирида дидедин чIал чирин, лезгияр!
«Лезги газет»
