Махачкъалада Дагъустандин Р. Гьамзатован тIварцIихъ галай госпедуниверситетдин бинедаллаз женгининни ватанпересвилин «Воин» центр арадал гъанва. Ам Россиядин Федерациядин Игит Залибег Умаеван тIварцIихъ янава.
ДГПУ-дин пресс-къуллугъди хабар гузвайвал, центрада республикадин мектебра кIвалахзавай муаллимриз хатасузвилин ва Ватан хуьнин бинеяр чирда. И жигьетдай РФ-дин просвещенидин министерстводин махсус программа кардик ква. Адан сергьятра аваз, Дагъустандин вири шегьерра ва районра кIвалах кьиле тухудайвал я.
Идалайни гъейри, центрада мектебра чIехи классра кIелзавай ва армияда къуллугъ авун патал эвер гудай яшда авай гадайриз военно-прикладной рекьяй чирвилер гудай, беспилотникар идара ийиз чирдай курсарни кардик кутада.
Чи мухбир
