Квез чидани?

.  Къиргъизистан Юкьван Азиядин уьл­кве я. Меркез — Бишкек.

.  И уьлкведин умуми майдан 199951 квадратный километрдикай ибарат я.

.  Къиргъизистандиз Къазахстандихъ, Та­жикистандихъ, Узбекистандихъ ва Китайдихъ галаз сергьят ава.

.  И уьлкведа 6 миллионни 200 агъзурдалай гзаф инсанар яшамиш жезва. Абурукай 52 % къиргъизар я, 22 — урусар,­ 13 — узбекар. ГьакIни ина украинвияр, нем­сер, татарар, санлай къачурла, 70 миллет яшамиш жезва.

.  Уьлкведа къиргъиз чIал кьилинди я. Гьа са вахтунда урус чIалахъни официальный чIалан дережа ава.

.  СНГ-дин уьлквейрин арада, майдандин екевилел гьалтайла, Къиргъизис­тан 7-чкадал ала.

.  И уьлкве кIерецрин ватан яз гьисабзава.

.  Къиргъизистандин мулкарин 90 процент дагълари кьунва.

.  Ина кIерецрин ва емишрин виридалайни еке багълар ава. Арсланбоб тIвар алай дереда 600 агъзур гектардив агакьна  багълар экIя хьанва.

.  Советрин девирда Бишкекдал Фрун­зе тIвар алай. Къиргъиз чIала «ф» сес авачирвиляй аниз «Прунзе» лугьузвай.

.  Уьлкведин мулкарин 4 % сад­рани цIран тийизвай муркIарин къаябри кьунва­.

.  Къиргъизистандин Кумтор лугьудай дагълух чкадик къизилар ква. И чка гьуьлуьн дережедивай 4 километрдин кьакьанда ава.

.  Къиргъизистанда балкIандин некIе­ди­кай гьазурзавай хъвадай затI (кумыс) гзаф машгьур я.

.  И уьлкведиз гьар йисуз къвезвай туристрин кьадар анин агьалийрин кьадардиз барабар жезва.

.  Къиргъизистанда, Монголияда хьиз, исятдани юртайра куьчери халкь яшамиш жезва.

«Лезги газет»