Куь ихтиярар
Залан азаррикди начагъбурун уьмуьр регьятарзавай затIариз реабилитациядин техникадин такьатар (куьрелди — ТСР) лугьузва. Ихьтин затIарик инвалидвал авай инсанар патал арадал гъанвай затIар, гьакIни михьивал хуьнин жигьетдай герек къведай такьатар ва серф жедай маса материалар акатзава.
Инвалидвал авай инсанривай ТСР государстводин патай гьавая къачуз жеда. Абур къачунин ва дегишарунин гьакъиндай арза МФЦ-да вугуда. Ихьтин документар герек я:
паспорт;
МСЭ (медико-социальная экспертиза) справка;
реабилитациядин кьилдин программадин карта;
хайивилин гьакъиндай шагьадатнама (эгер инвалид аял ятIа);
инвалиддин ва адан векилдин СНИЛС-ар.
«ЛГ»
