Дагъустан Республикадин экономикадин ва мулкар вилик тухунин министерстводи 2025-йисуз чкадин теклифрин (инициативайрин) проектар хкядай конкурсда иштиракун патал арзаяр кьабулдай йикъар малумарнава. Идакай «Лезги газетдиз» идарадин пресс-къуллугъди хабар гана.

ИкI, алай йисан 23-сентябрдилай 23-ок­тябрдалди конкурсдин документар кьабулзава. Конкурсдин бинедаллаз лап хъсан теклифар хкягъунин къайда 2016-йисан 25-апрелдиз РД-дин Гьукуматди акъудай «Дагъустан Республикадин мулкара чкадин­ теклифрин проектар кьилиз акъудунин гьа­къиндай» 110-нумрадин къарардалди тес­тикьарнава.

Арзадин чешне ва герек тир документ­рин сиягь, гьакIни конкурсдиз гьазур хьун ва иштиракун патал кьиле тухвана кIанзавай серенжемриз талукь меслятар РД-дин экономикадин ва мулкар вилик тухунин минис­терстводин сайтда чапнава. Конкурсдиз гьазурвилер акунин ва ана иштиракунин рекьяй гузвай теклифрин серенжемрик проект кьилиз акъуддай муддатда адан къимет тайинаруниз талукь гъавурдик кутунин малуматарни ква.

Конкурсдин документар Махачкъала­ шегьердин Абубакарован куьчеда авай 67-нум­радин дараматдин (министерство) 3-мертебада, 302-кабинетда кьабулзава.

Алава малуматар ва пешекардин меслятар герекзавайбурувай и нумрадиз зенг ийиз жеда: 8 (8722) 68-01-34.

Салим  Салимов