РД-дин МФЦ-дин кьилин идарадин пешекарри гайи малуматралди, ипоте­ка­дин куьмекдалди маса къачур кIвалер хсусият яз документра тестикьарзава, ам­­ма ипотекадин бурж вири вахкудал­ди­, кIвалер банкунин гиравда (залог), ва гиравдин гьакъиндай делилар Росре­естрда жезва. Ипотекадин куьмекдал­ди маса­ къачунвай кIвалер иесидивай, ­банкунин ихтияр авачиз, масадаз маса хгуз ва я пишкешиз жедач. Гьа са вах­тунда налог­рай кьур пул (вычет) гьа­сятда (ипотекадин бурж аламаз) вахчуз жеда.

Ипотекадикай менфят къачудайла, страховка анжах квартира авуна кIанза­ва. Уьмуьрдин ва сагъламвилин страховка жуван ашкъидалди ийизва.

Аялар авай хизанривай государстводи ийизвай куьмекрикайни менфят къачуз жеда: кьезил ипотека, дидевилин капитал, гзаф аялар авай хизанриз талукь 450 агъзур манат.

Налогдикай азад жеда

Юзан тийидай эменни маса гудайла, эвелан сагьибди къачур къазанжидикай налог (НДФЛ) гуниз мажбур я. Налог 13 процентдикай ибарат я, амма ам вири дуьшуьшриз ва вири такьатриз талукь жезвач.

Кьилди къачуртIа, эгер юзан тийидай объектдин иеси яз 5 йисалай виниз вахт алатнаватIа, ихьтин дуьшуьшда, ам маса гудайла, налог гун лазим жезвач.

Объектдин иеси яз пуд йис хьайидалай кьулухъ ам, налог тагана, маса гуз жеда, эгер:

 ам савкьатнавайди ятIа;

 ирс яз гьалтнавайди ятIа;

 приватизироватнавайди ятIа;

 маса гузвайдахъ авай тек са объект яз хьайитIа;

 вичи маса къачур къиметдай маса хгайтIа.

Юзан тийидай объект маса гудайла, налогдикай бязи хизанарни азад ийизва. Абурукай гьар са агьалидивай МФЦ-дин идарадай тамам малуматар къачуз жеда.

«Лезги газет»