Алатай ял ядай йикъара Росгвардиядин Дагъустан Республикада авай Управленидин (Росгвардия) 300-далай виниз къуллугъчийри къанун-къайда хуьдай маса идарайрин векилрихъ галаз санал регионда кьиле фейи сад тир сечкийрин юкъуз общественный къайдаяр ва хаталувал хуьн таъминарна. Идакай чаз ведомстводин пресс-къуллугъди хабар гана.
Малум хьайивал, сечкияр кьиле фидай идараяр Росгвардиядин къуллугъчийрин гуьзчивилик квай, абурал йифдини югъди къаравулвална. Ведомстводинбур тушир охранадин экипажри абуруз мукьва чкайра гуьзчивал тешкилна. Сад тир сечкийрин юкъуз республикадин 23 муниципалитетдин регьберар хкяна. Къанун-къайда хуьдай органри сих алакъада аваз санал тешкилай кIвалахдин нетижада республикада сечкияр общественный къайдаяр чIурунар авачиз кьиле фена.
Рагнеда Рамалданова
