Эхиримжи йисара Дагъустанда цIийиз эцигнавай, тамамдиз ремонтнавай здравоохраненидин объектрин кьадар артух хьанва. Идакай РД-дин Кьилин ва Гьукуматдин Администрациядин телеграм-каналди хабар гузва.
Мисал яз, эхиримжи пуд йисан къене республикада здравоохраненидин 200-далай виниз идараяр цIийикIа туькIуьр хъувунва, модульный жуьредин 104 медпункт кардик кутунва, духтурханайриз 1791-дав агакьна цIийи алатар чара авунва, санитарный 516 улакь маса къачунва. 2025-йисан эхирралди здравоохраненидин мадни 75 идара цIийикIа туькIуьр хъийида, модульный жуьредин 36 медпункт кардик кутада, духтурханаяр патал 746 алатни 171 улакь маса къачуда.
Республикада здравоохраненидин хел вилик тухуниз гуьгъуьнал алай йисарани кьетIен фикир гудайвал я. Кьилди къачуртIа, 2026-2030-йисара Дагъустанда здравоохраненидин цIийи 270 объект эцигун пландик кутунва. Абурун арада ФАП-ар, амбулаторияр, поликлиникаяр, участокдин духтурханаяр ва маса идараяр ава.
«Лезги газет»
