(Эвел — 2023-йисан 45-50-нумрайра, 2024­-­йисан 2-9, 14-15, 19-20, 22-31-нумрайра)

ГъвечIи лишан №63

Абу Гьурейра асгьабди (къуй адалай Аллагь рази хьурай) агакьарнавайвал, Аллагьдин Расулди (Аллагьдин салават ва салам хьуй вичиз) лагьана (мана):

«Гьакъикъатда, инсанриз алдатмишдай йисар алукьда, а чIавуз тапархъанрин чIалахъ жеда, керчек кас таб яз кьада, хаинриз ихтибарда, ихтибарлуди хаин яз кьада ва а чIавуз «рувейбида» (бегьемсузар) рахада».

Адавай хабар кьуна: «Рувейбида вуч я?». Ада жаваб хгана:

«Жемятдин (элдин) крарин пата­хъай рахадай сефигьар»1.

Чи заманадин лишанрикай хьанва — агъузвилевайбур (бегьемсузар) хкаж хьун (вилик акатун) хъсан (дуьз) инсанрилай — гьаниз килигна, инсанрин (элдин) крар сефигьрин ва алан-къуланрин гъиле жезва, и кар чи заманада машгьур хьанва.

Халкьдиз регьбервал гунин, сиясатдин­ крар идара авунин кьиле важиблудаказ­ алимар, акьуллу ва тежриба авай ксар хьун лазим я. Гьабур я вилик-кьилик хьана­ герекбур — жемятдин крара ва сиясатда­. Вичи инсанрин крарикай фикирзавай касдиз аквазва — инсанри къе чпин гьевесрихъ­ ­ян гузва, чпин хсуси хийирдихъ калтугзава — гьатта чпин диндин гьисабдай хьайитIани (яни гьатта чпин диндиз зиян­ жез хьайи­тIани — ред.), гьавиляй абуру сефигьрикай кьилевай ксар (башчияр) ийиз­ва.

____________________

1 Гьадис ат-Табараниди гъана

(КьатI ама)

(Мугьаммад ибн Абдуррагьман

аль-Арифидин ктабдай)

Гьазурайди — диндин алим

Ямин  Мегьамедов