Завай абуруз инсанар лугьуз жедач, я вагьши гьайванарни туш абур. Вагьшийризни са гьихьтин ятIани регьимлувал жеда. «Крокус Ситида» вишералди агьалийриз, Махачкъалада, Дербентда ислягь инсанриз гуьлле гайибуруз инсанар гьикI лугьуда? Абур алчахар, мердимазарар, небгет-напакар, къуьлуьн никIе экъечIнавай къалгъанар я. Абур, диде-бубайри, мукьва-кьилийри, уьлкведи негьна, дидедин нек гьарамарна, чилик сур тахьана, тармар хьуй лугьуда. Я залумар, аялрал куь гъил гьикI фена? Куь гъиле вуч гьатна, куь вуч туькIвена, алчахар?
Гуьлле гайи кесиб халкьдиз, аялриз,
Аллагьди куь гъил къуьнуьхъай галудуй.
Негь авунвай угърашарни алчахар,
Кьве вилни куь са тIеквендай акъатуй.
Дидедин нек гьарам я квез, алчахар.
Чи арада куь несилдин тIур тахьуй.
Жегьеннемдин юкь кьисмет хьуй алчахриз,
И чилерик квез, алчахар, сур тахьуй.
Замир Мегьамедов
