И йикъара Къуръандин «Аль-Фатиха» сура хъсандиз кIе­лу­най Ахцегь райондай тир меценат Нариман Гъазалиеван куьмекдалди кьиле тухвай конкурсдин нетижаяр кьуна.

Ана лезги районрай тир 10-18 йисарин яшара авай 88 аялди иштиракна. Абуру сура кIел­завай къайдадиз Исламдин илимрин доктор, бине Ахцегь рай­ондин Луткунрин хуьряй тир Гьашим Мегьамедова къимет гана.

Нетижаяр ихьтинбур хьана:

1-чка — Абдулла Велиметов (пулдин пишкеш — 40 агъзур манат);

2-чка — Абдурагьман Велиметов (30 агъзур манат);

3-чка — Мугьаммад Велиметов (20 агъзур манат).

Гъалибчияр пудни Мегьарамдхуьруьн райондин Бут-Къаз­майрин хуьряй я.

Конкурсда иштиракай амай 85 аялдизни гьар садаз меценатди 1000 манатдин кьадарда аваз пулдин пишкешар гана.

Акьалтзавай несилрин арада ихьтин конкурс тешкилай Нариман Гъазалиевалайни кIва­лахриз къимет гайи алим Гьашим Мегьамедовалай Аллагь рази хьурай. Амин!

Чи  мухбир