Ада мани лугьудайла, вацIни акъвазун мумкин я.

Адан суфат, шехьна-шехьна, кис хъувур дишегьлидин суфатдиз ухшар хьанва.

Ам тIарамарнавай чуьнгуьрдин сим хьиз акъвазнава.

Аламат! Вири хсусият кьилдин ксарин гъилера ава. Амма хуьруьн майишатдин, промышленностдин, эцигунрин, транспортдин министерствояр вуч ва я вуж патал тунвайди ятIа, кьил ­акъатзавач.

Адан вилер хам устIарди викIинай акъудай тIеквенриз (чап­рас) ухшар ава.

Ам ахьтин ламран хва я хьи, адаз вич гьамиша фурун винел, амайбур адан кIане хьана кIанда.

Ам чIагана акъвазнавай…

Азраил — чандин, мирес малдин къайгъуда жеда.

Ам шехьиз-шехьиз шегьер къачудайдакай я.

Афнидин цил кутур чкадай помидор экъечIдач.

Нариман Ибрагьимов