Квез чидани?
. Эсватини Африкадин кьиблепата авай гъвечIи пачагьлугъ я. Умуми майдан 17,4 кв. километрдикай ибарат Эсватинида 1,1 миллион агьали яшамиш жезва.
. Эсватинидин меркез Мбабане шегьер я.
. Уьлкведа кьилин чIалар кьвед ава: ингилис ва сисвати.
. Эсватинидин сергьятдив ЮАР ва Мозамбик уьлквеяр гва.
. 2018-йисалди и уьлкведиз Свазиленд лугьузвай. Свази Африкадин са халкьдин тIвар я. Уьлкведал цIийи тIвар эхцигунин къарар, агьалийривай гьич хабарни кьун тавуна, пачагьди (король) кьабулна.
. Лесото, Гамбия хьиз, гъвечIи уьлкве хьунилай гъейри, Эсватини Африкада виридалайни къацу уьлквейрикай садни я. Чкадин чилерикай кьудай пуд пай бегьер гудай мулкар я.
. Эсватинидин агьалийрикай 20 процент савадсузбур я. Образование къачун пулсуз ятIани, вирибур мектебдиз физвач. Себеб ам я хьи, яшайишдин дарвилери гзаф аялар фадамаз кIвалахуниз мажбурзава — чирвилер къачудай вахтни мумкинвал амукьзавач.
. И уьлкведин агьалийрин уьмуьр дуьньяда виридалайни куьруьбурук акатзава. Юкьван гьисабдалди Эсватинидин агьалияр 46-48 йисуз яшамиш жезва. Инсанар гзафни-гзаф инфекциядин азарри акIажарзава. Медицинадин хел зайиф я.
. Эсватинидин армияди уьлкведилай къецепата садрани женгера иштиракнавач.
