РФ-дин Силисдин комитетди бюджетдин пулар къанунсуздаказ харж авунай вахтуналди азадвиликай магьрумнавай Къизилюрт шегьердин виликан мэр (и къуллугъдал тайинардалди ада РД-дин физический культурадин ва спортдин министерстводиз регьбервал ганай) Мегьамед Мегьамедовак уголовный кодексдин мад са статьядай тахсир кутунва. Ихтилат терроризмдин тереф хуьникайни къанлувал авуникай физва, — хабар гузва ТАСС-ди.
Къейд ийин хьи, цIийи уголовный делодин иштиракчийрин арада Дагъустандин физический культурадин ва спортдин министерстводин са управленидин виликан начальник Халитбег Махачевни ава. Адак бюджетдин пулар къанунсуздаказ харж авунай тахсир кутунва.
Суддин къарардалди М. Мегьамедовни Х. Махачев дустагъ авунвай вахт алай йисан 3-октябрдалди давамар хъувуна. РикIел хкин, къанун-къайда хуьдай органрин векилри Къизилюртдин виликан мэр алатай йисан октябрдиз кьунай.
Чи мухбир
