И йикъара СтIал Сулейманан райондин администрацияда гуманитарный ва мергьяматлувилин серенжемра иштиракзавай чкадин са шумуд карчидихъ галаз гуьруьш кьиле фена. Адан сергьятра аваз, карчияр тир Муслим Керимовав, Мегьамедмирзе Айбатовав ва Вагиф Юзбеговав райондин кьилин патай разивилин чарар вахкана.
Муниципалитетдин кьилин везифаяр вахтуналди тамамарзавай Лацис Оружева къейд авурвал, мергьяматлувилел машгъул жезвай карчийри гзафбуруз чешне къалурзава, игьтияж авайбуруз куьмекзава, жемиятдин уьмуьрда иштиракзава, карчивилинни гьукумдин органрин арада авай алакъаяр мягькемарзава.
«Мергьяматлувилин гьерекатар давамарун важиблу я. Мумкинвилер авай маса карчийрини и крара иштиракдайдак, районда яшайишдин шартIар хъсанаруник чпин пайни кутадайдак зун умудлу я», — лагьана Л.Оружева.
Агьмед Магьмудов
