Мукьвара РД-дин Халкьдин Собранидин депутат Девлетхан Алиев Кьурагь райондин Гелхенрин хуьре цIийикIа туькIуьр хъийизвай муькъвел кьиле тухузвай кIвалахрихъ галаз таниш хьана. Идакай муниципалитетдин администрациядин пресс-къуллугъди хабар гузва.

РикIел хкин, къати марфар къунин нетижада къванцикай эцигнавай тагъдин куьгьне муьгъ тамамдиз чкIанвай. И кар себеб яз, Гелхен, Квардал, Укуз, Хвереж хуьрериз хъфин патал маса рехъ ишлемишзава.

Алай вахтунда муьгъ цIийикIа туькIуьр хъувунин кIвалахар худда ава. Абур ООО «ТСН» пудратчи карханади кьилиз акъудзава. ЦIийи муькъуьн яргъивал 17 метр жеда.

Чи мухбир