И йикъара Махачкъаладин кьилин майдандал, футболдин «Динамо» команда Россиядин премьер-лигадиз акъатунихъ галаз алакъалу яз, ам шад гьалара къаршиламишуниз талукьарнавай мярекат гурлудаказ кьиле фена. Анал Дагъустандин Кьил С.Меликова, «Динамо» обществодин председатель А.Гулевскийди, ФНЛ-дин президент Н.Измайлова Россиядин командадин тренеррив ва футболистрив гимишдин медалар вахкана.
Сергей Меликова, команда тебрик авуналди, виниз тир тIварар ва агалкьунар къазанмишунихъ гьар йикъан гьакъисагъ зегьмет, кьетIен бажарагълувал, жуван кар ва Ватан кIан хьун галайди къейдна. Региондин Кьили «Динамодин» гъалибвили гзаф кьадар аялар футболдал ашукьарайди къейдна. Сифте абуру футбол гадар тавунин патахъай къайгъударвал авунал, ахпа абуруз пешекарвилелди къугъваз чирунин месэлаяр вилик кваз хьунал фикир желбна. С.Меликова гьакIни командадин болельщикриз, спонсорриз ва амадагризни сагърай лагьана.
Рагнеда Рамалданова
