Гьуьрметлу газет кIелзавайбур!
Са мусурман стхади вичин такьатрихъ, диндин алим Ямин гьажи Мегьамедован регьбервилик кваз, лезги чIалаз таржума авуна, чапнавай «Дуьньядин эхир» ва «Мугьаммад пайгъамбардин (Аллагьдин салават ва салам хьуй вичиз) уьмуьрдин рехъ» ктабрикай гьардакай 10 экземпляр маса къачунва. Ада и ктабар, зульгь́ижжа вацран сифте цIуд йикъахъ ва Къурбанд суварихъ галаз алакъалу яз, кIелиз кIандай, амма чпихъ маса къачудай мумкинвал авачирбурун арада паюн тIалабнава. Гьахьтинбурувай винидихъ тIварар кьунвай ктабар «Лезги газетдин» редакциядай вахчуз жеда. И серенжем 1 июлдалди давамарда (яни ктабар кIандай ксаривай гьа и вахтуналди вахчуз жеда).
РикIел хкин, кIандайбурувай редакциядай алим Ямин Мегьамедова лезги чIалал акъуднвай диндин агъадихъ галай ктабарни маса къачуз жеда:
«Мусурман хуьдай къеле» – 150 м.
«Исламдин эдебар, ахлакьар ва дуьаяр» – 150 м.
«Тажвид-илим» – 100 м.
«Пайгъамбаррин варисар» – 100 м.
«Инсаниятдиз чешнелу ксар» – 150 м.
«Пак Къуръан ва адан манайрин таржума лезги чIалал», 3-изданидин къимет – 1100 м., 4-изданидин – 1200 м.
«Пайгъамбардин уьмуьрдин рехъ» – 500 м.
«Дуьньядин эхир. Къияматдин йикъан лишанар» – 800 м.
«ЧIехи гунагьар» – 100 м.
«Аллагьдин ТIварариз ва Сифетриз талукь къайдаяр» – 100 м.
