5-июндиз Санкт-Петербургда вири халкьарин экономикадин форумдин (ПМЭФ) кIвалах башламишна. РД-дин Кьил Сергей Меликован тапшуругъдалди форумдиз РД-дин Гьукуматдин Председатель Абдулмуслим Абдулмуслимов кьиле авай десте фена. Абуру гуьруьшра иштиракна, важиблу икьрарар кутIунна, дискуссиядин майданрал чпин фикирар лагьана.
ПМЭФ-дин сергьятра аваз, Дагъустандин стенд туькIуьрнавай. Чи республикадин стенддив форумдин иштиракчияр ашкъидивди агатзавай.
Къейд ийин, форумда вишелай гзаф уьлквейрай 19 агъзурдав агакьна мугьманри иштиракна. ЦIинин йисуз форумдин кьилин тема «Основа многополярности — формирование новых центров роста» тир.
Форумдин кIвалахдикай гегьеншдиз РД-дин Гьукуматдин сайтрай кIелиз жеда.
«Лезги газет»
