Шикилдай аквазвай гуьрчег гьайван тамун миргерин жинсиник акатзавай бонго я. Бонгойрин заланвал 200 килограммдив агакьун мумкин я, кьакьанвал — 1,3 метрдив. Са тIимил кьван звар алай тегьердин крчарин яргъивал бязи дуьшуьшра 1 метрдилайни артух жеда.
Шабалтдин ва расу рангари, къваларал алай лацу зулари бонго миргин винел патан акунар къати ийизва. Кьаскьан тирвал векъи ва куьруь фири ала.
Адет яз, бонгойри тарарин пешер ва векь неда. И гьайван Юкьван Африкада яшамиш жезва. Абурун рикI алай чка къалин там я. ТIебиатда абурун уьмуьр 20 йисуз кьван давам жеда. И гьайванрин душманар къаракъулахарни лекьенар я. Бонго вири халкьарин Яру Ктабдик кутунва.
«Лезги газет»
