Кьурагь район Россиядин халкьарин адетдин культурадин центрада санай масаниз тухузвай “Чун ислягьвал, Россиядин садвал патал экъечIзава” лишандик квай шикилрин выставка ачухна­.

Ам терроризмдин идеология тергунин республикадин госпрограммадин сергьятра аваз Дагъустан Республикадин культурадин министерстводи, Халкьдин яратмишунрин кIвали муниципалитетрихъ галаз санал тешкилнава.

Ислягьвилин тема вири девирра кар алайди я. Агьалияр секиндиз, чпин ва аялрин гележегдихъ умудлу яз, чанда кичI авачиз, цIийивилер, хъсанвилер арадал гъиз яшамиш хьун патал ислягьвал чарасуз я. Ихьтин выставкайри чи дуьнья, чил гьикьван назикди ятIа, миллетриз ва динриз килиг тавуна гьар са инсанди ам хуьн герек тирди мад сеферда  чирзава.

Дагъви Шериф