15-августдалди Испанияда Фольклордин международный фестиваль ва Дагъустандин халкьдин яратмишунрин йикъар кьиле фида. Фестивалдин мярекатар Нарон шегьердин культурадин дворецда жеда.

Адет хьанвай къайдада фестивалдин иштиракчияр культурадин рекьяй мэрдин советник Мария дель Кармена ва шегьердин кьилин уьмуьрдин юлдаш Мариям Ферероса кьабулна. Абуру гьар са коллективди неинки медениятдин адетар, гьакI ислягьвал хуьн, сад-садан гъавурда гьатун — патал кутазвай чIехи пай къейдна. Гуьруьшдин вахтунда сада-садаз рикIел аламукьдай пишкешарни гана.

Дагъустандай, Колумбиядай ва Испаниядин са шумуд региондай тир яратмишунрин коллективар чпин милли парталар алаз агъзур тамашачи гьакьдай залдин сегьнедал экъечIна. “Эхо гор” ансамблди Дагъустандин халкьарин кьуьлер тамамарна.

51-сеферда кьиле физвай фольклордин фестивалдин сергьятра аваз дагъустанви артистар Пиренейский полуостровдин гзаф шегьерриз мугьман хьана, гьа жергедай яз — Мугардосдиз ва Солайнадиз.

Дагъвийри зарб квай кьуьлералди, милли сеняткарвилералди ва къадим итижлу адетралди тамашачияр гьейранарна.

Дагъви Шериф