Мегьарамдхуьруьн районда лайихлу, муниципалитетдин образованидин хилен тIвар вини дережадиз акъудзавай муаллимар гзаф ава. Ихьтинбурукай сад Къуюстанрин юкьван школада дидед чIалан ва литературадин тарсар гузвай муаллим Алиметова Зоя Ноябировна я. Зегьметдин рехъ ада 1995-йисуз Къуюстанрин юкьван школада урус чIалан тарсар гунилай башламишнай. 1998-йисалай ам дидед чIалан тарсар гунал элячIна.
Зоя муаллим вичин пешедал рикI алай, савадлу, школадин аялрин ва муаллимрин арада гьуьрмет авай пешекар я. Ада тарс гайи аялри гьам районда, гьам республикадин олимпиадайра, конкурсра кIвенкIвечи чкаяр кьазва.
Зоя муаллимди «Виридалайни хъсан дидед чIалан муаллим» конкурсда пуд сеферда иштиракна ва районда сад лагьай чкаярни кьуна. ГьакIни ам са кьадар грамотайрин ва шабагьрин сагьибни я: 2012-йисуз адаз «Дагъустандин образованидин отличник» лишан гана, 2022-йисуз ам «Образованидин хилен гьуьрметлу работник» лагьай тIварцIиз лайихлу хьана.
Карина Яралиева,
лезги чIалан ва литературадин муаллим
