И йикъара Одинцовода азаддиз кьуршахар кьунай Россиядин чемпионат кьиле фена. Чемпионатдин сифте юкъуз заланвилин вад дережадай финалистар малум хьана.
Шад жедай кар ам я хьи, финалдиз акъатай спортсменар вири дагъустанвияр я. 86 килограммдал кьван заланвилин дережада кьуршахар кьурбурун арадай финалдиз акъатайди тlвар-ван авай чи спортсмен Даурен Куругълиев я.
Финалда Артур Найфоновахъ галаз кьуршахар кьур Даурен Куругълиева гъалибвал къачуна.
«Лезги газет»
