2024-йисан алатнавай варцара Дагъустандин Яшайишдин фондуни 2 касдиз пенсия арза ва маса документар кIватIун  галачиз (проактивно) тайинарна.

Чна виликдайни хабар гайивал,­ ар­­за галачиз пенсия тайинарунин  къай­­дадикай чи республикадани фад­­­лай ва гегьеншдаказ менфят къачузва. ИкI, инвалидвал ганвай касдиз страховой ва я яшайишдин пенсия тайинарунин къарар МСЭ-дин (ме­ди­ко-социальный экспертиза) органрай электронный къайдада атай делилрин бинедаллаз кьабулзава. Де­лилриз 5 йикъан вахтунда килигзава. И вахт алатайла, «Госкъуллугъар» порталдин хсуси кабинетдиз ва я поч­тадай агьалидиз инвалидвилин пенсия тайинарнавайдакай хабар хкведа.­

Эгер агьалидиз Яшайишдин фондунай гьихьтин ятIани пулар­ (посо­бие) тайинарнавачтIа ва къачузвач­тIа, ада вичел пул гьи къайдада ага­кьардатIа хкягъун лазим я. Идан патахъай арза, арада мензил аваз, яни «Госкъуллугъар» порталдикай менфят къачуналди, гьакIни респуб­лика­дин Яшайишдин фондунин муьш­терийрихъ галаз кIвалахдай къул­лугъ­да ва я МФЦ-да гуз жеда. ИкI, инвалидвал тайинардалди агьалидиз, мисал яз, яшлувилин пенсия авайтIа, Яшайишдин фондуни адан пенсиядал пул арза галачиз (автоматически) алава хъийида. Амма адан кьадар инвалидвилин группадилай ва НСУ-дилай (яшайишдин къуллугърин набор) аслу жезва.

И ва я маса месэладин пата­хъай­ суалар пайда хьайи чIавуз квевай, алакъадин центрадиз зенг­на, (телефон: 8-800-200-03-39, зенг пулсузди я) абуруз жавабар жагъу­риз жеда.

Рагнеда Рамалданова