И мукьвара Кьурагь райондин кьил Замир Азизова Бугъдатепедай тир жегьил спорт­смен, са тIимил вахт идалай вилик Москвада грэпплингдай кьиле фейи  дуьньядин чемпионатда 70 кг-дин заланвал авайбурун арада къизилдин медалдиз лайихлу хьайи Артур Къазиеваз агалкьун шад гьалара тебрикна. Идакай чаз райадминистрациядин пресс-къуллугъди хабар гана.

Гуьруьшда райадминистрациядин физ­­культурадин, спортдин ва жегьилрин­ крарин рекьяй отделдин начальник Ра­миз Рамазановани иштиракна. Агалкьун тебрик авунихъ, спортдин мадни чIе­хи кукIушар муьтIуьгъардай къуватар­ хьун алхиш авунин келимаяр лугьунихъ галаз санал райондин кьиле авайбуру А.Къазиеваз пулдин пишкеш ва Чухсагъул­дин чар гана, сагълам уьмуьр тухун пропаганда ийизвай ва райондин тIвар машгьурзавай ксариз чеб инлай кьулухъни вири куьмекар гуз гьазур тирди къейдна.

Рагнеда  Рамалданова