Мефедрон жагъана

Махачкъаладин Хушет поселокда Ма­хачкъаладин ППСП-дин пол­кунин полицейскийри къайда хуьнин гьалар ахтармишай, къаравулвал авур вахтунда 38 йисан яшда авай шегьерэгьли (дишегьли) кьуна.

РД-дин МВД-дин пресс-къуллугъди хабар гузвайвал, ахтармишай вахтунда адав гваз хьайи куьлуь 7 багълама дуьздал акъат­н­а. Санлай къачурла, абурук 63,88 граммдин заланвал авай мефедрон квай.

Полициядин отделда шак фенвайда ихтилат авурвал, наркотикар ада интернетдин куьмекдалди маса къачуна ва адаз абур маса хгунин къаст авай.

Тахсиркарвилин лишанриз килигна, РФ-дин УК-дин 30-статьядин 3-паюнай — 228.1-статьядин 4-паюнай уголовный дело къарагъарнава.

«Лезги газет»