Алатай гьафтедин ял ядай йикъара Эрменистандин меркезда азаддаказ кьуршахар кьунай международный 3-турнир кьиле фена. Эрменистандин лайихлу тренер Л.Варданянан экуь къаматдиз бахшнавай и акъажунра дуьньядин 9 уьлкведай тир 140-далай виниз спортсменри иштиракна, заланвилин 10 категорияда чпин устадвал къалурна.
И турнирда чи ватанэгьли, Къазахстандин хкянавай командадик кваз иштиракзавай Камиль Куругълиевани (92 кг-дин заланвал авайбурун арада) гъалибвал къазанмишна. Ада пуд бягьс кьиле тухвана. К.Куругълиеваз Эрменистандай тир Княз Ибоян — 2:1, Ирандай тир Амир Азипур — 13:2 ва Белоруссиядай тир Алексей Пархоменко 7:2 гьисабралди кумукьна.
РикIел хкин: К.Куругълиев Даггосуниверситетдин юрфакдин 2-курсунин студент я. Ада вичин буба Мегьамед Куругълиеван гъилик устадвал хкажзава. Ам дуьньядин, гьакIни Азиядин жегьилрин арада кIвенкIвечивал патал акъажунрин, кесерлу хейлин турнирринни акъажунрин гъалибчи я.
Рагнеда Рамалданова
