10-мартдиз Каспийскда, Али Алиеван тIварунихъ галай спортдин дараматда, гъилералди къуватар алцумунай Дагъустандин чемпионат кьиле фена. Ана республикадин военно-спортивный 30 клубдай тир 280 спортсменди иштиракна. Абурун арада Кьурагь райондин командани (тренер — Къурбан Герейханов, векил — Фахрудин Гьамидов) авай.
Командадик кваз иштиракай Нариман Эмирбегова — 2 ва Имам Алибегова 3-чкаяр кьуна. Акъажунра «2023-йисан виридалайни хъсанбурукай хъсанди» номинациядай Кьурагь райондин 1-нумрадин СОШ-дин 8-классдин ученик Эрзиман Фетгьуьллаев гъалиб хьана.
Рагнеда Рамалданова
