«Газпром межрегионгаз Махачкала» ООО-ди  агьалийриз  ишлемишнавай газдин гьакъи арада мензил авай (онлайн) къайдада  гун теклифзава. И кар, кIвалин къеняй экъечI тавуна, мобильный приложенидин куьмекдалди саки  пуд декьикьада  гьикI кьилиз акъуддатIа, гьадакай чун агъадихъ рахада.

Яшайишда ишлемишнавай газдин­ гьа­къи­ гун патал нагъд пул галачир къайда­дикай садрани менфят къачун тавур­ ­кса­­­­риз  чна и кар смартфонар ва планше­тар патал­ди тир «МойГАЗ» ва «Газ Онлайн»­ при­­­ло­женийрин, гьакIни компью­тер­дин ва я ноутбукдин куь­мекдалди­ ­«Газ­пром ­меж­­­регионгаз Махачка­ла» ООО-дин­ сайтда (www.mkala-mrg.ru), «Хсу­­си ­ка­бинет» ачухна, кьилиз акъудун теклифзава.

Арада мензил аваз кIвалахзавай къуллугъдин куьмекдалди муьштерийривай, кIва­­ляй къецел экъечI тавуна, вичи виликдай гайи пулунин гьакъиндай делилар ахтармишиз, вич гьикьван буржлу ятIа чириз, ишлемишнавай газдин кьадар гьисабдиз къачузвай тадаракрин делилар идарадив агакьариз, гьакIни газдин гьакъи винел кьил татана, гуз жеда. Приложенида хсуси майдан ачухунин (ре­гистрация) кIвалах къулайди авун патал чна и кардин гьар са камуникай кьилди ва тамамдаказ кхьизва.

1-КАМ — Android системадин  бинедаллаз кIвалахзавай смартфонда — «МойГАЗ», iOS-дин бинедаллаз кIвалахзавай телефонда «Газ Онлайн» приложение тайинарун. ГьакI­ни https://мойгаз.смородина.онлайн/login ссылкадин куьмекдалди  «Газпром межрегионгаз Махачкала» ООО-дин официальный сайтда «Хсуси кабинет» ачухайтIа, жеда.

2-КАМ — хсуси электронный почтадин  ва тайин чкадиз талукь яз  газдин пул гузвай 10 рекъемдикай ибарат лицевой счетдин нумрадин куьмекдалди приложенида регистрация авун.

3-КАМ — газдин гьакъи гун. И кар патал ишлемишнавай газдин гьакъи тир пул гун патал лазим  банкунин картадин делилар приложенида кхьин лазим я.

4-КАМ — картадай пул алудиз разивал­ гузвайди тестикьарун патал гьахъ-гьисаб­рин системади куь телефондин нумрадиз  рекье тунвай ва вич анжах са сеферда ишлемишиз жедай пароль  кхьин.

Лагьана кIанда, гзаф кьадар муьштерийрик, электронный къайдада гьакъи гайи­ла, гъилиз чарчел алай квитанция татуни секинсузвал кутазва. Гьаниз килигна, чна алава хъийизва:

5-КАМ — пул гун патал тамамар­навай гьерекат дуьзгуьндаказ кьиле фенватIа ва пулдин такьатар муьштеридин лицевой счетдив агакь­наватIа  ахтармишун. Вири и камар къачурдалай ва гьерекатар тамамарайдалай кьулухъ  жуван электронный почта ачуха ва «авунвай гьахъ-гьисабдин гьакъиндай делилар» авай электронный чар агакьнаватIа килиг. Идалайни гъейри, куьне газдин гьакъи гун патал ишлемишнавай банкуни газдалди таъминарзавай идарадиз пулдин такьатар рекье тунвайдан гьакъиндай делилар хуьда.

Чи мухбир