Алатай гьафтеда Ахцегьа рай­ондин кьилин духтурханада кIвалахзавай виридалай­ни хъсан пешекаррив меценат Нариман Гъазалиеван патай пулдин пишкешар вахкана. Мярекатда РД-дин здраво­охраненидин министрдин за­мес­титель Патхула Патхулаева­, Ахцегь райондин кьилин замес­титель Роберт Гьамзаева, меценат Нариман Гъазалиева ва масабуру иштиракна.

РД-дин здравоохраненидин­ ми­нистерстводин ТГ-каналди ха­­­бар гузвайвал, санлай къа­чур­­ла, «Ахцегь райондин виридалайни хъсан духтур-2024» кон­курсда гъалиб хьайи 12 духтур­дизни медсестрадиз пулдин пиш­кешарни министерстводин патай разивилин чарар гана.

Гъалибчийрин арада Аллагьвердиев Мейланверди — хи­рург, Магьмудов Аслан — хирург, Аскарова Мария — гинеко­лог, Асварова Ирена — терапевт, Палчаева Сабина — терапевт, Исламов Тельман — терапевт, Султалиева Арина — эпидемиолог, Агъаширинова Замина — ФАП-дин заведующий, Абдулгьашумова Альбина — медсестра, Эмирова Фарида — медсестра, Сефибегова Фироза — ст.медсестра, Абдурагьимова Эльмира — фельдшер авай.

Чи мухбир