Самурский Нажмудин Панагьович — тlвар-ван авай инкъилабчи, гьукуматдин ва жемиятдинни сиясатдин деятель, сиясатчи, тарихчи, диндин рекьяй пешекар, политолог, публицист, Дагъустандин ЦИК-дин сад лагьай председатель (1921-1928-йисар), ВКП(б)-дин Дагъустандин обкомдин сад лагьай секретарь (1934-1937-йисар). Ам Докъузпара райондин Къурушрин хуьре дидедиз хьана.
Лезгийри Азербайжандин илим, меденият ва мадарат вилик финин кардик еке пай кутуна. Алай вахтунда Азербайжандин илимдин, чирвилерин жуьреба-жуьре идарайра 120-далай гзаф лезги миллетдин векилар тир илимдин докторри, кандидатри зегьмет чlугвазва.
1806-йисуз Къуба ханлух Россиядик акахьна. Чилер, багълар ва балугъчивилин сеняткарвал пачагьдин хазинадив вахкана; ханлухдин тlвар дегишарна, аникай Къубадин уезд хъхьана. Самур вацlун эрчlи пата яшамиш жезвай лезгияр Къубадин вилаятдик акатна.
Лезгийрин виридалайни машгьур тlуьнар, гьелбетда, гъуьруькай гьазурдайбур я: хинкlал, гуьрзе — пчIекар ва мсб. Хинкlалдин са шумуд жуьре малум я, абур чпин кlалубралди тафаватлу жезва. Гуьрзейрин къене якни чичlек, шурни какаяр, гьакlни чуьлда экъечlдай бязи недай хъчар твазва.
Хъукьварин хуьр (Хив район) Кьиблепатан Дагъустанда къадимбурукай сад я. Анин агьалияр вири динрай акъатна: мажуси, зороастризм, хашпара ва ислам. Хуьруьн мулкара пак мескенар, ругьанийриз талукь къванер, рагар, диндиз талукь тарар ва пак тамар, дагълар ва кьветlер хъсандаказ хвенва.
Гьазурайди — Куругъли Ферзалиев
