РД-дин Кьил Сергей Меликован Указдалди (2024-йисан 15-февраль, №10) чи ватанэгьли, РД-дин МВД-дин медениятдин центрадин художник-декоратор Хидир-Зулдан Юнусович Юнусоваз «Дагъустан Республикадин халкьдин художник» лагьай тIвар ганва.
Х.-З. Юнусов «Лезги газетдин» редакциядихъ галаз фадлай алакъаяр хуьзвай вафалу амадагрикай сад я. Иллаки гьар йисуз газет кхьизвай чIавуз ада и карда редакциядиз еке куьмекар гузва. Чи кьегьал ватанэгьлидин яратмишунриз ихьтин чIехи дережадин къимет гунал чна дамахзава.
«Лезги газетдин» редакциядин коллективди Хидир-Зулдан Юнусовичаз чIехи дережа рикIин сидкьидай мубаракзава, адахъ мадни еке агалкьунар, хизанда хушбахтвал хьун алхишзава.
