Алатай гьафтедин ял ядай йи­къара­ Хасавюртда азаддаказ­ кьурша­хар кьунай Дагъус­тан­дин кIвен­кIвечивал патал 17 йисалди яшда авай жаванрин арада акъажунар кьиле фена. Ана рес­публикадин шегьеррайни­ ­рай­онрай­ тир 300-дав агакьна­ спортсменри иш­ти­ракна.

Гьа­сир­­рал чпин гьунарар­ къа­­лу­рай­бурун ва Дагъустандин кIвен­­кIвечивилин тIвар къазанмишайбурун арада чи ватанэгьлиярни авай. Кьилди къачуртIа, Махач Абдуллаева (48 кг-дал къведалди заланвал авайбурун арада) ва Загьид Рамазанова (80 кг-дал къведалди заланвал авайбурун арада) 1-чкаяр кьуна.

Малум хьайивал, М.Абдуллаева Ма­хач­къа­лада Гь.Гьамидован ва З.Ра­ма­за­нова Каспийскда Къ.Къу­раме­гьаме­дован тIварарихъ галай спортшколайра чпин ус­тад­вал хкажзава. Гила абуру СКФО-дин кIвенкIвечивал патал акъажунриз гьазурвал аквада.

Рагнеда  Рамалданова