Квез чидани?

.  Якутск Саха Республикадин (Якутия) меркез я. Анин умуми майдан 122 квадратный километрдикай ибарат я. Шегьерда 361 агъзурдалай гзаф ксар яшамиш жезва. Абур асул гьисабдай урусарни якутар я.

.  Якутск лап мекьи жедай чка я. Январдин вацра анин адетдин мекьивал -40 градус я.

.  Якутск арадал гъайи югъ 1632-йисан 25-май яз гьисабзава.

.  ХIХ асирда Якутск Якутиядин экономикадинни медениятдин макандиз эл­къвена. А чIавуз шегьерда сад лагьай театр, казино, парк, кинотеатр ва яшайиш­дин маса дараматар, идараяр кардик акатна.

.  ХIХ асирдин эхирра шегьердин патарив къизилар, алмасар авай чка жагъа­на ва адалай кьулухъ Якутск гегьеншдаказ еримлу хьана.

.  Сад лагьай автобус Якутскдин куьчейра 1936-йисуз пайда хьана.

.  Якутскда гад куьруьди ва мекьиди жеда. Июлдин вацра чимивал 20 градусдив агакьда.

.  Якутрилайни урусрилай гъейри, Якутскда алай вахтунда маса республикайрай, уьлквейрай куьч хьанвайбурни яшамиш жезва: татарар, бурятар, осетинар, къиргъизар, эвенар, тажикар, корейвияр, молдаванар, дагъустанвияр, китайвияр…

.  Аязар акьван кIевибур жеда хьи, чил са шумуд метрдин дериндиз къаю кьазва.

.  Якутскда трамваяр, троллейбусар авач. И шегьердиз ракьун рехъни фенвач.

.  Шегьерда аэропорт ава, амма, гьавадин шартIар себеб яз, адавай йисан чIехи паюна самолетар кьабулиз жезвач.

.  Региондин дибдин агьалияр тир якутар чпин милли суварралди, парталралди, безекралди машгьур я.

«Лезги газет»