И мукьвара Кьурагьа хуьруьн культурадин кIвалин цIийиз ремонтнавай фойеда шахматрай райондин турнир кьиле тухвана. Гьар йисуз тешкилзавай и серенжемда (макьсад — агьалияр сагълам уьмуьр тухунал, рикI аладардай серенжемрал желб авун ва икI мад) Шимихуьряй, КIиридай, Аладашдай ва Кьурагьай тир спортдин и жуьредал рикI алай ксари иштиракна.
Судьяйрин коллегиядин къарардалди турнир кругдин тегьерда кьиле фена. Тамам 5 сятни зура къизгъиндаказ кьиле фейи акъажунра КIиридай тир Шихкеримов Исрефил – 1, шимихуьруьнви Багьаудин Багьаудинов — 2 ва кьурагьви Мегьамедшакир Хсенбабаев 3-чкайриз лайихлу хьана.
Гъалиб хьайибуруз кубокар, дипломар, грамотаяр, пулдин ва маса пишкешар гана. Чемпионатдин виридалайни жаван иштиракчи Абдулагь Гьасанов кьилдин пишкешдиз лайихлу хьана.
«Лезги газет»
